Islandia - Budynki modułowe i przenośne - Łącze tymczasowe - Badanie rynku - Udogodnienia dla rowerzystów i motorowerów elektrycznych na lotnisku Keflavik

Isavia ohf. er opinbert hlutafélag í 100% eigu íslenska ríkisins og annast rekstur, viðhald og uppbyggingu á Keflavíkurflugelli (KEF). Isavia hyggst setja upp tilbúna gámalausn til að bæta aðstöðu fyrir hjólandi flugfarþega sem og aðstöðu fyrir hjólreiða- og rafskútu starfsfólk flugvallarins. Þetta er í takt við aukinn fjölda hjólandi farþega og starfsfólks, sem og sjálfbærnistefnu Isavia sem miðar að því að minnka kolefnisfótspor fyrirtækisins. Sem liður í undirbúningi á innkaupaferli og til að upplýsa birgja og fyrirtæki um fyrirhuguð innkaup fer Isavia þess á leit við áhugasama aðila með viðeigandi reynslu að taka þátt í þessari markaðskönnun með því að svara nokkrum spurningum varðandi fyrirhugað tækifæri. Svörum við þessum spurningum er ætlað að veita Isavia betri innsýn í markaðinn og aðstoða við undirbúning á innkaupaferlinu. Isavia áskilur sér rétt til að hitta þátttakendur og fá nánari útskýringar á svörum þátttakenda ef þörf er á. Vinsamlega athugið að með markaðskönnun þessari er ekki verið að leita tilboða né lýkur ferlinu með innkaupum af neinu tagi. Hún er eingöngu til þess ætluð að afla og veita upplýsinga og á engan hátt bindandi fyrir aðila. Könnunin fer fram í samræmi við meginreglur um gagnsæi og jafnræði eins og kveðið er á um í reglugerð 340/2017 um innkaup aðila sem annast vatnsveitu, Orkuveitu, flutninga og póstþjónustu. Bent skal á að Isavia tekur ekki ábyrgð eða þátt í kostnaði sem hlýst af þátttöku í þessari könnun. Svörum við spurningum og öðrum gögnum skal skila eigi síðar en 18/12/2025. Þátttakendum er heimilt að skila inn svörum hvenær sem er áður en skilafrestur rennur út. Isavia mun rýna svör og fara yfir gögn um leið og þeim hefur verið skilað. Verklýsingu og önnur nauðsynleg gögn finna þáttakendur á útboðsvef Isavia ohf. Vefslóð: www.utbod.isavia.is.