Supporto integrato alla sicurezza del porto - Florø Hamn

Bakgrunn og formål Florø hamn KF har behov for heilskapleg fagleg og operativ støtte til hamnesikring. Behovet omfattar løpande oppfølging av lovpålagde sikringskrav, slik at analysar, planar, øvingar, møte, dokumentasjon og fristar vert ivaretekne på ein strukturert og forskriftsmessig måte. Formålet er at leverandøren tek eit størst mogleg totalansvar for den daglege oppfølginga, medan Florø hamn held fram som godkjennande part. Bakgrunnen for behovet er avgrensa intern kapasitet til å følgje opp fristar, øvingar, revisjonar, tilsyn, avvik og dokumentasjon. Det er òg behov for tettare og meir systematisk oppdatering av sikringsplanar, sikringsanalysar og sårbarheitsvurderingar i tråd med gjeldande regelverk. Avtalen skal omfatte følgjande: Alle lovpålagde øvingar, inkludert fysiske øvingar, table top-øvingar o.l. Årleg revisjon og løpande oppdatering av sikringsanalyse og sikringsplanar. Årlege øvingar som dekkjer heile breidda i sikringsplanane. Kvartalsvise drillar. Sikringsmøte minimum kvartalsvis. Bistand i sikringsrelaterte spørsmål, inkludert ved tilsyn og handtering av avvik. Sikre at alle lovpålagde krav, planar og øvingar vert gjennomførte innan gjeldande fristar. Utarbeiding av omforeint årshjul med fristar i samarbeid med Florø hamn, seinast 3 månader før nytt år tek til. For 2027 skal dette utarbeidast i samband med kontraktsinngåing. Oppdatering av sårbarheitsvurderingar og sikringsplan for hamna og dei ulike hamneanlegga i tråd med lovverket. Opsjonspris per område. Florø hamn har i dag følgjande område: Florøvika hamneområde Botnastranda kai G Gunnhildvågen hamneterminal Botnastranda aust Fugleskjærskaia Beskriving av behovet Florø hamn har behov for ein leverandør som kan ivareta den løpande sikringsoppfølginga og sikre at alle lovpålagde aktivitetar vert planlagde, gjennomførte og dokumenterte innan gjeldande fristar. Leverandøren skal bistå med revisjon og løpande oppdatering av sikringsanalyse og sikringsplanar, planlegging og gjennomføring av årlege øvingar som dekkjer heile breidda i sikringsplanane, kvartalsvise drillar og sikringsmøte minimum kvart kvartal. Leverandøren skal òg bistå i sikringsrelaterte spørsmål, mellom anna ved tilsyn og handtering av avvik. Leverandøren skal vidare utarbeide eit omforeint årshjul i samarbeid med Florø hamn, med tydelege fristar og aktivitetar, og varsle avvik og tidskritiske forhold fortløpande. Samarbeidet skal vere tett og føreseieleg, med klare roller, faste kontaktpunkt, fast kontaktperson og faste statusmøte. Det er òg behov for oppdatering av sårbarheitsvurderingar og sikringsplan for hamna og dei einskilde hamneanlegga i tråd med lovverket. Dette gjeld følgjande område: Florøvika hamneområde Botnastranda kai G Gunnhildvågen hamneterminal Botnastranda aust Fugleskjærskaia Kompetanse og gjennomføring Det er behov for ein leverandør med dokumentert erfaring frå tilsvarande leveransar innan ISPS og hamnesikring, mellom anna øvingar, drillar, revisjonar, myndigheitskrav, tilsyn og avvikshandtering. Leverandøren må ha relevant fagkompetanse, vere godkjend RSO av Kystverket og kunne stille med fast fagressurs og sikkerheitsklarert personell der dette er nødvendig. Leverandøren må òg ha tilstrekkeleg bemanning og robust kapasitet til å gjennomføre oppgåvene kontinuerleg, slik at leveransen ikkje vert sårbar ved fråvær hos einskildpersonar. Dersom leverandøren skal få innsyn i eksisterande sikringsplanar før prising, må teiepliktserklæring signerast.